اوخويان ایشچی نین سورقولاری/ برتولت برشت
يئدى قاپى لى تِب شَهرينى كيم تيكدى؟
فقط سولطانلارين آدلارينا راست گَليريك كيتابلاردا،
بويوك داش پارچالارين سولطانلار مى چينلرينده داشيديلار؟
و نئچه سِرى ويران اولان بابل،
هر سِرى سينده كيم اونو يئنى دن قؤوْزادى؟
ليمان ائولرين قيزيل دان تيكميشلر، تيكنلر ده همن ائولرده قاليرديلار؟
بير آخشام چاغى چين دووارى قورتولدو، بنالارى هارا گئتدى؟
ظفر طاغلارينان دولودور بويوك روما،
اونلارى گويه قالديران كيم؟ كيمنلرين اوستونه؟ قيصرين هئيكلى مى قالديردى اونلارى؟
قيصرلر كيمه مُظَفر اولدو؟
شوهرتلى بيزانسين فقط سارايى واريدى؟
افسانه وى بيزانسى او گئجه كى دنيز باغرينا باسدى،
بوغولانلار،بوغولاركن باغيرا باغيرا "كوله لرينه" يارديم ايسته ديلر.
گنج ايسكندر هندوستانى تسخير ائتدى،
تك باشينا مى؟
قيصر "گول لرين" قاباغيندا ظفر قازاندى،
سربازلارا بير يئمك پيشيرن يوخودومو؟
ايسپانيالى فيليپ!
گمى لرى باتاندا ظولوم ظولوم آغلادى،
اونان سورا كيمسه آغلاماديمى؟
بويوك فردريك يئدي ايليك ساواش لارى قازاندى،
كيمسه اونون نان برابر قازانماديمى؟
هر صفحه ده بير ظفر،
گئدرين وئرنلر كيم بو ظفرلرين؟
١٠ ايلدن بير بويوك كيشى!
بهاسين اودويه نلر كيم؟
چوخلو قونولار،
چوخلو سوال لار.
No comments:
Post a Comment